රාවණාගේ ගර්ජනාවත් සමඟ 'රාමායණ' නිල ට්රේලරය නිකුත් වෙයි: යෂ්ගේ චරිතය විචාරකයන්ගේ පැසසුමට ලක්වේ
බොලිවුඩ් සිනමාවේ මේ දක්වා නිර්මාණය වූ දැවැන්තම සිනමා සංකල්පයක් ලෙස සැලකෙන, නිතේෂ් තිවාරිගේ අධ්යක්ෂණයෙන් නිර්මාණය වන 'රාමායණ' චිත්රපටයේ පළමු කොටසේ නිල ට්රේලරය මේ වන විට නිකුත් කර තිබේ.
මහා කාව්යයේ අපූර්වත්වය, අති නවීන CGI සහ VFX තාක්ෂණයේ දැවැන්ත බව සමඟ මුසු කරමින් ඉදිරිපත් කර ඇති මෙම ට්රේලරය, ප්රේක්ෂකයන්ට අතිශය තෘප්තිමත් දෘශ්ය අත්දැකීමක් ලබා දීමට සමත් වී ඇත. රාම් ලෙස රන්බීර් කපූර් සහ සීතා ලෙස සායි පල්ලවී අතිශය ආකර්ෂණීය පෙනුමක් ලබා දී ඇති නමුත්, ට්රේලරයේ සමස්ත අවධානය දිනාගෙන ඇත්තේ යෂ් (Yash) නිරූපණය කරන රාවණා චරිතය බව විචාරකයින් පෙන්වා දෙයි.
ට්රේලරයේ ඇති විශේෂත්වය කුමක්ද?
ට්රේලරයේ ආරම්භක දර්ශනයෙන්ම, සළුවකින් මුහුණ වසාගත් රාවණාගේ බලවත් ප්රවේශය දැක්වේ. ස්වර්ගය, මනුෂ්ය ලෝකය සහ පාතාලය ඇතුළු ත්රිලෝකය පුරා තම බලය ප්රකාශ කරන රාවණාට එරෙහිව, මනුෂ්යත්වය ආරක්ෂා කිරීම සඳහා රාමගේ උපත සිදු වන ආකාරය ට්රේලරය තුළින් ඉතා අලංකාර ලෙස ගොඩනගා ඇත.
නව චරිත හඳුන්වා දීම
මීට පෙර නිකුත් වූ ටීසරය තුළ රාමගේ චරිතයට වැඩි ඉඩක් ලබා දී තිබූ අතර, නව ට්රේලරය හරහා කතාවේ අනෙකුත් ප්රධාන චරිත රැසක් ද හඳුන්වා දී තිබේ. ඒ අනුව,
· කයිකේයී ලෙස ලාරා දත්තා
· ශූර්පණඛා ලෙස රකුල් ප්රීත් සිං
· ශූර්පණඛාගේ සැමියා විද්යුත්ජිව්හා ලෙස විවේක් ඔබරෝයි
· දශරථ රජු ලෙස අරුන් ගෝවිල් (ජනප්රිය රාමායණ රූපවාහිනී කතා මාලාවේ රාම චරිතය රඟපෑ නළුවා)
යන චරිත මෙම ට්රේලරයට ඇතුළත් කර තිබේ. කෙසේ වෙතත්, හනුමාන්ගේ චරිතයට පණ පොවන සනී ඩියෝල්ගේ දර්ශන ට්රේලරය තුළ දැක ගැනීමට නොමැති වීම විශේෂත්වයකි.
පරම්පරා ගණනාවක් පුරා ජනප්රිය වූ මෙම පුරාණ කතාව, නව පරපුරේ නළු නිළියන් හා අති නවීන තාක්ෂණය සමඟ යළි ඉදිරිපත් කරන මෙම චිත්රපටය, 2026 වසරේ දීපාවලි සමයේදී තිරගත කිරීමට නියමිතය.
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න
0 Comments