හෙට සිට වැසි තත්ත්වයේ වැඩි වීමක්: දිස්ත්රික්ක කිහිපයකට තවදුරටත් තද සුළං
කාලගුණ විද්යා දෙපාර්තමේන්තුව විසින් අද (27) දිනය සඳහා නිකුත් කළ කාලගුණ අනාවැකියට අනුව, ජූලි 28 වැනිදා සිට ඉදිරි දින කිහිපය තුළ දිවයිනේ නිරිතදිග ප්රදේශයේ වැසි තත්ත්වයේ තරමක වැඩි වීමක් අපේක්ෂා කෙරේ.
පවතින නිරිතදිග මෝසම් තත්ත්වය තවදුරටත් සක්රීය වීමත් සමඟ, දිවයිනේ බහුතර ප්රදේශවලට විටින් විට වැසි ලැබීමේ සම්භාවිතාවක් පවතින අතර, ඇතැම් ප්රදේශවලට තද සුළං ද බලපානු ඇත.
ඉදිරි දිනවල වැසි තත්ත්වය
දෙපාර්තමේන්තුව පෙන්වා දෙන්නේ, හෙට (28) දින සිට දිවයිනේ නිරිත දිග ප්රදේශයේ වැසි තත්ත්වය ක්රමයෙන් ඉහළ යනු ඇති බවයි. ඒ අනුව,
· බස්නාහිර, සබරගමුව සහ වයඹ පළාත්වලට
· ගාල්ල, මාතර, මහනුවර සහ නුවරඑළිය දිස්ත්රික්කවලට
වැසි වාර කිහිපයක් ඇති විය හැක. මේ අතර, දිවයිනේ සෙසු ප්රදේශවල ප්රධාන වශයෙන් වියලි කාලගුණික තත්ත්වයක් පවතිනු ඇත.
තද සුළං පිළිබඳ අවවාදය
මීට අමතරව, පහත සඳහන් ප්රදේශවලට විටින් විට පැයට කිලෝමීටර් 40ත් 50ත් අතර වේගයෙන් තද සුළං ඇතිවිය හැකි බව කාලගුණ දෙපාර්තමේන්තුව අවවාද කරයි.
· මධ්යම කඳුකරයේ බටහිර බෑවුම් ප්රදේශ
· උතුරු සහ උතුරු-මැද පළාත්
· හම්බන්තොට, ත්රිකුණාමලය සහ පුත්තලම දිස්ත්රික්ක
මෙම ප්රදේශවල ජනතාව අධික සුළං ඇති අවස්ථාවලදී ආරක්ෂිත පියවර අනුගමනය කරන ලෙසත්, විශේෂයෙන්ම ධීවර හා නාවික කටයුතුවල නිරත වන්නන් සැලකිලිමත් වන ලෙසත් බලධාරීන් ඉල්ලා සිටී.
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න
0 Comments