"ඔහු මට නළුවෙක් විතරයි, පියෙක් නොවෙයි": ජැකී චෑන්ගේ දියණිය එටා න්ග් වීදියේ නිදාගත් අසරණ ජීවිතය හෙළි කරයි
ලොව පුරා මිලියන සංඛ්යාත රසිකයන්ගේ ආදරයට පාත්ර වූ, බිලියන ගණනක වත්කමක් ඇති හොලිවුඩ් සුපිරි තරුව ජැකී චෑන්, තමාට පියෙකු නොවන බව ඔහුගේම දියණිය ප්රසිද්ධියේ ප්රකාශ කර තිබේ.
ජැකී චෑන් සහ හිටපු රූපසුන්දරී එලේන් න්ග් (Elaine Ng) යන අයගේ දියණිය වන එටා න්ග් (Etta Ng), තම පියා සමඟ කිසිදු සමීප සබඳතාවක් නොමැති බව මාධ්ය හමුවකදී අනාවරණය කළාය.
"මට ඔහු ජැකී චෑන් කියන ප්රකට නළුවා විතරයි," ඇය පැවසුවාය.
ඇගේ ජීවිතයේ කිසිදු මොහොතක පියෙකුගේ රැකවරණයක් හෝ ආදරයක් තමන්ට නොලැබුණු බව ඇය කඳුළු සලමින් හෙළි කළාය.
වීදියේ නිදාගත් සුපිරි තරු දියණිය
ලෝකප්රකට සුපිරි තරුවකගේ දියණිය ලෙස සැපපහසු ජීවිතයක් ගත කරනවා වෙනුවට, එටා තමන්ගේම මඟක් තෝරා ගත්තාය. 2018 වසරේදී ඇය කැනේඩියානු ජාතික සමාජ මාධ්ය ක්රියාකාරිනියක වන ඇන්ඩි ඕටම් (Andi Autumn) සමඟ විවාහ වූවාය.
කෙසේ වෙතත්, පසුව ඔවුන් දෙදෙනා වීඩියෝවක් නිකුත් කරමින් කියා සිටියේ, පවුලේ කිසිදු පාර්ශ්වයකින් ආධාර උපකාර නොලැබීම නිසා තමන් දැඩි මූල්ය අර්බුදයකට මුහුණ දී, හිසට සෙවණක් පවා නොමැතිව මහපාරේ නිදාගැනීමට සිදු වූ බවයි.
මවගේ විරෝධය
එටාගේ මව වන එලේන්, මෙම ප්රකාශයට එකහෙළා විරුද්ධ විය. මහජනතාවගෙන් මුදල් ඉල්ලනවා වෙනුවට රැකියාවක් කර ජීවත් විය යුතු බව ඇය සිය දියණියට දැඩි ලෙස ප්රකාශ කළාය. මේ සියල්ල අතරතුර, ජැකී චෑන්ගේ අප්රමාණ ධන සම්පත සහ ඔහුගේ දියණියගේ අසරණ ජීවිතය අතර ඇති දැවැන්ත පරතරය මුළු ලෝකයටම විවෘතව පෙනෙන්නට විය.
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න
0 Comments