"හරක් කටාගේ" බිරිඳගෙන් කෝටි 12ක අල්ලසක් ගත් බව කියන නීතිඥයන්ට ඇප: රඛිත රාජපක්ෂ මුදාහැරේ, චරිත් අබේසිංහ නැවත රිමාන්ඩ්
ප්රබල මත්ද්රව්ය ජාවාරම්කරුවකු බව කියන 'හරක් කටා' නමැත්තාගේ බිරිඳගෙන් රුපියල් කෝටි 12ක අල්ලසක් ලබාගැනීමේ චෝදනාවට අත්අඩංගුවට ගෙන රක්ෂිත බන්ධනාගාර ගත කර සිටි නීතිඥ රඛිත රාජපක්ෂ සහ චරිත් අබේසිංහ ඇතුළු සැකකරුවන් තිදෙනෙකුට කොළඹ මහේස්ත්රාත් අධිකරණය විසින් අද (28) පෙරවරුවේ ඇප නියම කරන ලදී.
මෙම සිද්ධිය සම්බන්ධයෙන් කොළඹ මහේස්ත්රාත් අධිකරණය හමුවේ කරුණු විභාග වීමෙන් අනතුරුව, අධිකරණය විසින් සැකකරුවන් තිදෙනාටම ඇප ලබා දීමට තීරණය කළේය. කෙසේ වෙතත්, මෙම තීන්දුවෙන් පසුව විත්ති පාර්ශ්වයේ ඉරණම දෙයාකාර විය.
රඛිත රාජපක්ෂ ඇප මත නිදහස් වෙයි
නීතිඥ රඛිත රාජපක්ෂ ඇතුළු සැකකරුවන් දෙදෙනෙකු අධිකරණය විසින් නියම කරන ලද ඇප කොන්දේසි සපුරාලීමට සමත් විය. ඒ අනුව, ඔවුන් දෙදෙනා බන්ධනාගාර භාරයෙන් මුදා හැරීමට අධිකරණය නියෝග කළේය.
චරිත් අබේසිංහ නැවත බන්ධනාගාරයට
එහෙත්, අනෙක් සැකකාර චරිත් අබේසිංහ නමැත්තාට අදාළ ඇප කොන්දේසි සපුරාලීමට නොහැකි වීම හේතුවෙන්, ඔහු නැවතත් බන්ධනාගාර නිලධාරීන් විසින් බන්ධනාගාරය වෙත රැගෙන ගොස් තිබේ. ඒ අනුව, ඔහු ඇප කොන්දේසි සම්පූර්ණ කරන තෙක් තවදුරටත් රක්ෂිත බන්ධනාගාර ගතව සිටීමට සිදු වනු ඇත.
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න
0 Comments