ශ්රී ලංකා මහජන සෞඛ්ය පරීක්ෂකවරුන්ගේ සංගමය පවසන්නේ රට පුරා බොහෝ ප්රදේශවල මහජන සෞඛ්ය පරීක්ෂකවරුන් ලෙස පෙනී සිටිමින් මුදල් ලබා ගැනීම් රාශියක් වාර්තා වී ඇති බවයි.
විවිධ ආයතන සහ පෞද්ගලික නිවාසවල ජනතාව නොමග යවමින් අයථා ලෙස මුදල් ලබා ගැනීම් රැසක් මේ වන විට වාර්තා වී ඇති බව ශ්රී ලංකා මහජන සෞඛ්ය පරීක්ෂකවරුන්ගේ සංගමය නිවේදනයක් නිකුත් කරමින් පවසයි.
වැඩිදුරටත් ඔවුන් එම නිවේදනයෙන් පෙන්වා දෙන්නේ රටේ පවතින ඩෙංගු වසංගත තත්ත්වයට අදාළව නිවාස පරීක්ෂා කිරීමේ රාජකාරි සම්බන්ධව නෛතික ක්රියාමාර්ග සම්බන්ධ කරගනිමින් මෙම මුදල් ඉල්ලීම් වාර්තා වී ඇති බවයි.
මේ හේතුවෙන් කිසිදු හේතුවක් මත මහජන සෞඛ්ය පරීක්ෂකවරයෙකු රාජකාරියට අදාළව මුදල් අයකිරීම් හෝ ලබා ගැනීම් සිදු නොකරන බව මහජන සෞඛ්ය පරීක්ෂකවරුන්ගේ සංගමය නිවේදනය කරයි.
එම නිසා කිසිදු මුදලක් මහජන සෞඛ්ය පරීක්ෂකවරයෙකු හෝ ඒ නමින් පෙනී සිටින කිසිදු පුද්ගලයෙකුට ලබා දීමෙන් වළකින ලෙස දන්වා ඇති එම සංගමය වැඩිදුරටත් සඳහන් කර ඇත්තේ යම් පුද්ගලයෙකු මහජන සෞඛ්ය පරීක්ෂකවරයෙකු ලෙස පෙනී සිටිමින් හෝ හඳුන්වාගනිමින් යම් රාජකාරියකට අදාළව මුදල් ඉල්ලා සිටින්නේ නම් පොලීසිය සහ අදාළ ආයතන දැනුවත් කිරීමට කටයුතු කරන ලෙසත්ය.
✅✅✅✅✅✅✅✅✅✅✅✅
📢 Breaking News SMS Alerts
මොබිටෙල් පාවිච්චි කරන අයට විශ්වාසදායක පුවත් SMS සේවාව.
77000 ට SMS කරන්න
0 Comments